Шимолий Атлантика альянси келаси ҳафта Европадаги сўнгги ўн йилликдаги энг йирик Streadfast Defender-2024 машғулотларини бошлайди, унда 90 000 аскар иштирок этади.
Бу ҳақда НАТО иттифоқчи кучларининг Европадаги олий қўмондони, генерал Кристофер Каволи маълум қилди.
“Бугун биз келаси ҳафта бошланадиган ва май ойигача давом этадиган Streadfast Defender-2024 машқлари бошланганини эълон қиламиз. Streadfast Defender НАТОнинг сўнгги ўн йилликлардаги энг йирик машғулоти бўлади, унда альянснинг барча давлатларидан тахминан 90 000 аскар, шунингдек, ҳамкоримиз Швециядан ҳарбийлар иштирок этади”, — деди у.
Кристофер Каволининг сўзларига кўра, альянс машқлар давомида кучларни Шимолий Америкадан Европага ўтказиш орқали Евро-Атлантика минтақаси мудофаасини кучайтириш қобилиятини намойиш этади.
Изоҳ (0)