Австралиянинг Квинсленд штатидаги энтомолог илгари номаълум бўлган ҳашаротни топди. Бу ҳақда BBC хабар берди.
Ҳашарот Жеймс Твид томонидан 2021 йил декабрида лагерга қилган сафари чоғида кашф этилган ва дастлаб уни қуш ахлати деб ўйлашган.
“Бу мутлақо ноёб мавжудот. Худди шундай сифатларга эга ҳашаротлар жуда кам”, — дейди Твид.
Энтомолог диққат билан ҳашаротни кўздан кечириб, бундай турдаги ҳашарот аввал аниқланмагани сабабли уни ўрганишга киришган.
“Унинг узунлиги тахминан бир сантиметр ва узун момиқ туклар билан қопланган”, — дейди Жеймс Твид.
Квинсленд университетида докторлик диссертацияси устида ишлаётган энтомолог ўз топилмасини мамлакатдаги барча ҳашаротлар ҳисобини юритувчи Австралия ҳукумати тадқиқот марказига олиб келган.
“Мен миллий марказдаги бир нечта ҳамкасблар билан ишладим, улар қўнғизлар гуруҳи ҳақида тўлиқ китоб ёзган. Австралия ва бутун дунё музейларида ўн минглаб намуналарни ўрганиб, улар бундай қўнғизни илгари ҳеч қаерда кўришмаганини айтишди. Мен унга ўхшаш бошқа тукли ҳашаротларни билмайман”, — дейди Твид.
Янги қўнғиз илгари маълум ҳашаротлардан шунчалик фарқ қиладики, австралиялик олимлар уни узун шохли қўнғизларнинг алоҳида турлари вакили сифатида тан олган. Унга лотинча Excastra albopilosa номи берилган (excastra “чодир лагеридан” ва albopilosa “оқ ва тукли” деб таржима қилиниши мумкин).
“Агар биз бундан ҳашаротлар мавжудлигини билмасак, турларни сақлаб қолиш қийин. Бу қўнғиз эътиборни жалб қилгани яхши, у ҳашаротлар ва уларни сақлаш заруриятини тарғиб қилишга ёрдам беради”, — дейди энтомолог.
Изоҳ (0)