Россия давлат думасининг ахборот сиёсати қўмитаси раиси ўринбосари Антон Горелкин россияликларни Ғарб давлатлари билан уруш бошланган тақдирда iPhone’лар ўчиши ҳақида огоҳлантирди.
Горелкиннинг сўзларига кўра, агар ҳарбий можаро бошқа босқичга ўца, Apple барча iPhone’ларни, Google эса барча Android смартфонларини ўчириб қўйиши мумкин.
Агар ҳарбий можаро бутунлай бошқа босқичга ўца ставкалар ҳам кўтарилади. Мен баъзи экспертлар Учинчи Жаҳон уруши деб атайдиган нарса ҳақида гапиряпман. Ўшанда Apple Россиядаги барча iPhone’ларни, Google эса Android телефонларини ўчириб қўйиши аниқ, — деди депутат.
Бир кун аввал Владимир Путин Ғарбни Россия ва АҚШ бошчилигидаги НАТО ҳарбий иттифоқи ўртасидаги тўғридан тўғри можаро Учинчи Жаҳон урушига бир қадам қолганини билдиришидан огоҳлантирган эди.
Ўтган ой Франция президенти Эммануэль Макрон келажакда Украинага қуруқликдаги қўшинларни юборишни истисно қилмаслигини маълум қилган. Макроннинг сўзларига жавобан Путин замонавий дунёда ҳамма нарса бўлиши мумкинлигини айтган. Президентнинг қўшимча қилишича, Украинада аллақачон НАТО қўшинлари мавжуд, унинг сўзларига кўра, Украина жанг майдонида инглиз ва француз тилларида сўзлашувчи ҳарбийлар мавжуд.
Изоҳ (0)