Польша Ташқи ишлар вазирлиги Россияда 15—17 март кунлари бўлиб ўтган президентлик сайловлари қонуний, демократик ва адолатли деб тан олинмаганини маълум қилди. Британия ташқи ишлар вазири Дэвид Кэмерон ҳам овоз бериш шартлари ҳуқуқий меъёрларга тўғри келмаслигини таъкидлади, дея хабар берди “Газета.ru”.
Польша ТИВ баёнотида ҳукуматнинг Россиянинг янги ҳудудларидаги сайлов натижаларини тан олмаслигига урғу берилган. Унга кўра, бутун мамлакат бўйлаб овоз бериш “репрессив қонунчилик”, “урушга қарши фикр билдирган номзодларнинг сайловларда иштирок этишини тақиқлаш” шартларида ўтган.
Россиядаги сайлов участкалари Украинадаги сайловларнинг ноқонуний ўтказилиши, сайловчилар учун танлов имконияти йўқлиги ва ЙХҲТ томонидан мустақил мониторинг олиб борилмаётгани сабабли ёпилди. Бундай сайловлар эркинлик ва адолат мезонларига жавоб бермайди, — деб ёзган Дэвид Кэмерон Х ижтимоий тармоғида.
Бир кун аввал Германия ТИВ Россиядаги сайловларни танқид қилган эди. Вазирликнинг таъкидлашича, Россияда ўтказилган сохта сайловлар эркин бўлмаган ва натижалар ажабланарли эмас.
Россия Федерацияси Президенти сайловида Владимир Путин 87,34 фоиз, Николай Харитонов 4,29 фоиз, Владислав Даванков 3,82 фоиз, Леонид Слуцкий 3,16 фоиз овоз билан етакчилик қилмоқда.
Изоҳ (0)