Образнинг ҳар бир деталига эътибор қаратиш — муваффақиятли фильм калитидир. Қуйида кино қаҳрамонларининг энг ноодатий либосларини ёдга оламиз.
“Дюна” ва “Дюна: Иккинчи қисм”
Бешта “Оскар” мукофотига номзод бўлган костюм дизайнери Жаклин Уэст “Дюна” фильмида стимпанк муҳитини яратишга масъул эди. У “замонавий ўрта аср” деган маънони англатувчи ўрта аср эстетикасини яратади. Жаклин режиссёр Денис Вильнёв билан биргаликда костюм, биринчи навбатда, функсионал бўлиши керак деган фикрга келади. Образнинг ҳар бир детали қаҳрамоннинг яшаш жойида омон қолишига ёрдам бериши керак. Дизайнда қаҳрамон психологияси ҳам ҳисобга олинган.
“Мўъжизакор аёл”
“Мўъжизакор аёл” суперқаҳрамон роли устида Линди Ҳемминг ишлаган. Гал Гадотнинг костюми комикслардаги образдан унчалик фарқ қилмаган. Аксессуарларга фақат қалқон ва қилич қўшилган. Илҳом манбайи қадимги юнон мифлари ва спорт услубининг уйғунлиги эди.
“Шўрлик бахтсизлар”
“Энг яхши либослар” номинациясида “Шўрлик бахтсизлар” ғалаба қозонди. Аммо Эмма Стоун образини яратиш учун дизайнер Ҳолли Уоддингтон қийин вазифага дуч келади: 1880 йиллар модаси ва фантазия ўртасидаги мувозанатни сақлаш. Режиссёр Йоргос Лантимос чириган олма палитрасини танлайди. Шишган енглар либосларнинг мажбурий элементи бўлиб, енгил ва ҳаводор эффект яратади.
“Круэлла”
Фильмдаги ҳар бир кийим санъат асарига ўхшайди. Бунинг учун уч карра “Оскар” совриндори Женни Беванга раҳмат айтиш керак. У Вивьен Вествуд ва қўшиқчи Нина Ҳагеннинг панк услубларидан фойдаланган. Кўпгина кийимлар қўлда тикилган, худди Эстелла машинага чиққанда кийган қизил кўйлак каби. Мазкур кўйлакдаги 5 мингта гулбарг бир нечта талабалар томонидан яратилган.
“Қора пантера”
Фильмнинг либослар бўйича дизайнери Рут Картер африкалик қабилаларнинг кўп асрлик модаларини батафсил ўрганиш ва уларни тўқиш учун кўп соатлаб қўшимча вақт сарфлади. Қора пантера учун илҳом афрофутуризм ва афропанкда топилган. Қаҳрамонларнинг либослари ҳақиқатан ҳам ақл бовар қилмайдиган даражада, лекин энг муҳими, улар Ваканданинг ҳар бир фуқаросининг характерини аниқ акс эттира олган.
Изоҳ (0)