“Манчестер Юнайтед” 2035 йилгача Чемпионлар Лигасига чиқа олмаган ҳар мавсуми учун Adidas компаниясига 10 миллион фунт жарима тўлайди.
“Adidas ва “Манчестер Юнайтед” клубининг янги шартномасида 10 миллион фунт стерлинг миқдоридаги жарима ҳақида банд киритилди. Унга кўра, клуб Чемпионлар Лигасига чиқа олмаса, бу банд кучга киради”, — деб ёзади Тhe Times.
“Манчестер Юнайтед”нинг Adidas билан амалдаги шартномаси 2025 йилгача мўлжалланган ва унинг қиймати 750 миллион фунтни ташкил қилади. Янги келишув 2035 йилгача амал қилади.
Янги шартномага кўра, эркаклар ёки аёллар жамоаси лига, Англия кубоги ёки қитъа турнирида ғолиб чиққанида “Манчестер Юнайтед” 4,4 миллион фунт стерлинггача бонус олади.
Изоҳ (0)