АҚШ президенти Жо Байден Россия президенти Владимир Путинни “бандит’’ деб атагани хабар берилганди. Россия президенти матбуот котиби Дмитрий Песков фикрича, бу Америка давлат раҳбари бўлган одамга ярашмайди.
Байден Авлиё Патрик кунидаги чиқишида Россия президентини яна бир ҳақорат қилди.
Менимча, Конгресс аъзоларининг катта қисми ўз бурчларини бажаришга тайёр. Ва мен бу хонада бўлган барчани Владимир Путинга қарши туришга чақираман. У — бандит, — деди АҚШ президенти.
Песковнинг фикрича, “бундай иборалар давлат раҳбарларига ярашмайди. Америка президентнинг бундай ҳаракати билан фахрланмаса керак’’.
Февраль ойидаги чиқишида ҳам Жо Байден Владимир Путинни ҳақорат қилганди. Кремль бу баёнотни бемаънилик деб ҳисоблади. 2021 йил март ойида Жо Байден Россия президентини қотил деб ҳисоблайдими, деган саволга “Ҳа’’ деб жавоб берган. Кремль ҳам буни давлат раҳбарига нисбатан ҳақорат сифатида баҳолади.
Изоҳ (0)