15 март куни Россия кучлари Одессани ракеталар билан бомбардимон қилган, натижада ўндан ортиқ одам, жумладан, бир фелдшер ва бир қутқарувчи ҳалок бўлган. бу ҳақда The Moscow Times нашри хабар берди.
Маҳаллий нашрлар маълум қилишича, Россия ҳаво кучлари уй-жой бинолари ва автомобилларга зарбалар берган. Зарбалар оқибатида 14 киши ҳалок бўлган, 46 киши жароҳатланган.
“Россиянинг Одессадаги террорчилик ҳаракатлари ўз ҳудудидаги одамлар хавфсизлигини кафолатлай олмаётган бир пайтда Украина тинч аҳолисига қарши курашаётган душманнинг ожизлигидан далолатдир”, — деган Киевдаги юқори мартабали ҳукумат амалдори Андрей Ермак.
Одессага сўнгги ҳужум ҳақида Россия томони ҳеч қандай маълумот бермаган. Украина расмийлари эса эҳтимолий ҳужумлар сценарийси яна такрорланиши мумкинлигини инобатга олиб, жойларда тайёргарликни кучайтирган.
Маълумот ўрнида, 15-17 март кунлари Россияда президентлик сайлови бўлиб ўтиши режалаштирилган. Ушбу жараёнлар Украинанинг қисман босиб олинган тўрт вилоятида, шунингдек, аннексия қилинган Қримда ҳам ўтказилиши белгиланган.
Изоҳ (0)