Футбол бўйича Европа Чемпионлар Лигасининг нимчорак финалидан ўрин олган икки ўйин 13 март, чоршанба куни бўлиб ўтди.
“Интер” сафарда “Атлетико” меҳмони бўлди. Учрашувнинг 33-дақиқасида Федерико Димарко ҳисобни очди. Орадан 2 дақиқа ўтиб, “матрасчилар” футболчиси Антуан Гризманн жавоб голини урди. Биринчи бўлимда ушбу ҳисоб сақланиб қолди.
Иккинчи бўлимда эса жамоалар ҳужумкор ўйин намойиш этди. 87-дақиқага келиб, Мемфис Депай мадридликларни ҳисобда олдинга олиб чиқди. Икки ўйин натижасига кўра, “Атлетико” ҳисобни тенглаштирди (дастлабки ўйинда “Интер” 1:0 ҳисобида ғалаба қозонган эди) ва ҳакам қўшимча бўлимлар учун ҳуштагини чалди.
Қўшимча бўлимларда эса дарвозалар дахлсизлиги сақланиб қолди ва ғолиб номи пенальтилар сериясида аниқланадиган бўлди. Пенальтилар сериясида эса “Атлетико Мадрид” 3:2 ҳисобида ғалаба қозониб, “Интер”ни мусобақадан чиқариб юборди.
“Боруссия Д” ўз майдонида “ПСВ”ни қабул қилди ва 2:0 ҳисобида зафар қучди. Дортмундликлар таркибида Жейдон Санчо ҳамда Марко Ройслар гол муаллифларига айланди.
Жамоалар ўртасидаги дастлабки ўйинда 1:1 ҳисоби қайд этилганди. Икки ўйин натижасига кўра, немислар 3:1 ҳисобида ғалаба қозонди ва кейинги босқичга йўл олди.
ЕЧЛ
1/8 финал
13 март, чоршанба
“Атлетико” – “Интер” 2:1
Пенальтилар серияси: 3:2
Голлар: 0:1 – 33 Димарко, 1:1 – 35 Гризманн, 2:1 — 87 Депай.
“Атлетико”: Облак, Молина (Барриос, 79), Савич, Эрмосо, Витцель, Коке, Де Пол (Корреа, 71), Льоренте, Гризманн, Мората (Депай, 79), Лино (Рикельме, 71).
“Интер”: Зоммер, Думфрис (Дармиан, 73), де Врей, Павар, Бастони (Ачерби, 73), Димарко, Фраттези, Мхитарян, Чалҳанўғлу, Барелла, Тюрам, Мартинес.
Огоҳлантириш: Эрмосо (41).
“Боруссия Д” – “ПСВ” 2:0
Голлар: 1:0 – 3 Санчо, 2:0 – 90 Ройс.
“Боруссия Д”: Кобел, Зюле, Ҳуммелс, Жан, Матсэн, Забицер, Брандт (Нмеча, 58), Озжан, Мален (Адееми, 70), Санчо (Ройс, 75), Фюллькруг.
“ПСВ”: Бенитес, Тезе, Боскали, Схаутен, Дест, Мауро Жуниор (Бабади, 86), Тил (Лосано, 46), Верман (Пепи, 82), Тиллман, Бакаёко, де Ёнг.
Огоҳлантиришлар: Зюле (88), Нмеча (89).
Изоҳ (0)