ЕЧЛ. “Арсенал” пенальтилар сериясида “Порту”ни мағлуб этиб, чорак финал йўлланмасини қўлга киритди

Футбол бўйича Европа Чемпионлар Лигасининг нимчорак финал жавоб ўйинида “Арсенал” 12 март, сешанба куни “Порту”га қарши баҳс олиб борди.

Биринчи бўлим сўнгида лондонликлар футболчиси Троссард ҳисобни очди.

Ўйин охирига қадар ушбу гол ягоналигича қолди ва икки ўйин натижасига кўра 1:1 ҳисоби қайд этилиб, жамоалар қўшимча бўлимларга мурожаат қилишига тўғри келди.

Қўшимча бўлимлар ҳам нисбатан эҳтиёткорроқ ўтди ва дарвозалар ишғол этилмади. Пенальтилар сериясида эса “канонирлар”нинг қўли баланд келди ва чорак финал йўлланмасини ўзиники қилди.

ЕЧЛ

1/8 финал

12 март, сешанба

“Арсенал” – “Порту” 1:0

Пенальтилар серияси: 4:2

Гол: 1:0 – 41 Троссард.

“Арсенал”: Райя, Уайт, Габриэль, Салиба, Кивер (Зинченко, 105), Жоржиньо (Габриэль Жезус, 83), Эдегор, Райс, Ҳаверц, Троссард (Нкетиа, 105), Сака.

“Порту”: Диогу Кошта, Жоау Мариу (Санчес, 86), Пепе, Отавио, Венделл, Нико Гонсалес (Эуштакиу, 101), Варела (Груйич, 90), Пепе Акино, Галено, Франсишку Консейсау (Гонсалу Боржеш, 101), Эванилсон (Тареми, 88).

Огоҳлантиришлар: Салиба (39), Артета (68), Пепе (73), Консейсау (78), Ҳаверц (116).