Соғлиқни сақлаш вазирлигининг тегишли буйруғи билан Бобур Примқулов Фарғона вилояти соғлиқни сақлаш бошқармаси бошлиғи этиб тайинланди. Бу ҳақда ССВ матбуот хизмати хабар берди.
Бобур Примқулов 2013 йилда Андижон давлат тиббиёт институтини тамомлаган. Меҳнат фаолиятини Учкўприк туманидаги “Якка мулла” қишлоқ врачлик пунктида умумий амалиёт шифокори сифатида бошлаган. Турли йилларда Фарғона вилоят онкология диспансери онколог-шифокори, Республика ихтисослаштирилган онкология ва радиология илмий-амалий тиббиёт маркази Фарғона вилоят филиали директорининг ўринбосари каби лавозимларда ишлаган.
Шунингдек, у Туркиянинг Аcibadem ва АҚШнинг Memorial Sloan Kettering Cancer Center каби клиникаларда малака оширган.
Тайинловга қадар у Республика ихтисослаштирилган онкология ва радиология илмий-амалий тиббиёт маркази Фарғона вилоят филиали директори сифатида фаолият кўрсатиб келаётган эди.
Февраль бошларида Тўрақул Арзиқулов Тошкент вилояти соғлиқни сақлаш бошқармаси бошлиғи этиб тайинланган эди.
Изоҳ (0)