Ўзбекистонда аҳоли томонидан уй-жойларни таъмирлаш ишлари 7,7 фоизга ошгани маълум бўлди.
Статистика агентлиги маълумотларига кўра, 2024 йилнинг январь ойида Ўзбекистонда уй хўжаликлари томонидан уй-жойларни таъмирлаш бўйича 160,3 миллиард сўмлик ишлар бажарилган. Бу кўрсаткич 2023 йилнинг январь ойига нисбатан 7,7 фоизга ошган.
Уй хўжаликлари томонидан уй-жойларни таъмирлаш бўйича бажарилган қурилиш ишлари ҳажми барча турдаги корхона ва ташкилотлар томонидан бажарилган жами қурилиш ишларининг 2,4 фоизни ташкил этган.
Ўзбекистонда турар жойи ночор аҳволдаги оилаларга ўз ҳовлисида уй қуриш ва таъмирлашга 120 млн сўмгача ипотека кредити ажратилади. Одамларнинг харид имкониятини кенгайтириш учун тўрт йил олдин ипотека тизимининг бозор тамойилларига асосланган янги тартиби жорий қилинди. Унга мувофиқ, ўтган даврда барча манбалардан 100 триллион сўм маблағ йўналтирилди. Буларнинг ҳисобига ҳудудларда 6 мингта кўп қаватли уй барпо этилиб, 250 минг оила янги бошпанали бўлди.
Изоҳ (0)