Сўнгги 24 соат ичида Ғазода Исроил ҳужумлари оқибатида 100 га яқин одам ҳалок бўлган. Бу ҳақда Al Jazeera нашри Ғазо Соғлиқни сақлаш вазирлиги тарқатган маълумотга асосланиб, хабар берди.
Хабарга кўра, Исроил кучлари ҳарбий амалиёт давом этаётган Ғазо билан бир қаторда, Ғарбий Соҳилда ҳам рейдлар ўтказган. Рейдларда 4 нафар фаластинлик ўлдирилган. Улардан 2 нафари вояга етмаганлар бўлган.
Сўнгги сутка давомида Ғазода Исроил ҳужумлари оқибатида 88 киши вафот этган. 200 га яқин маҳаллий аҳоли вакиллари оғир тан жароҳатлари олган. Ғазодаги Соғлиқни сақлаш вазирлиги ҳалок бўлганлар сони яна кўпайиши мумкинлигидан огоҳлантирган.
Маълумот ўрнида, ҳозирга қадар Ғазода Исроил ҳужумлари оқибатида 31 272 фаластинлик ҳалок бўлгани расман маълум қилинган. 73 024 нафар фуқаро тан жароҳати олган.
Изоҳ (0)