Владимир Путин Россиянинг коинотда ядро қуролини жойлаштириш нияти йўқлигини айтиб, мамлакат фақат АҚШникига ўхшаш космик имкониятларни ишлаб чиққанини таъкидлади. Бу ҳақда Al Jazeera хабар берди.
Путиннинг баёноти Оқ уйнинг ўтган ҳафтада Россиянинг “хавотирга солувчи” қуролга эга бўлгани ҳақидаги эълонидан кейин берилди.
АҚШ расмийси Жон Кирби бу халқаро коинот шартномасини бузишини айтиб, қурол ядровий эканлиги ҳақида изоҳ беришдан бош тортган. 130 дан ортиқ давлат, шу жумладан Россия томонидан имзоланган шартнома ядро қуроли ёки бошқа оммавий қирғин қуролларини орбитага жойлаштиришни тақиқлайди.
“Бизнинг позициямиз жуда аниқ ва шаффоф: биз доимо коинотда ядро қуролининг жойлаштирилишига қарши бўлганмиз ва шундай бўлиб қоламиз. Аксинча, биз барчани бу соҳада мавжуд барча келишувларга риоя қилишга чақирамиз”, — деди Путин.
У бу айбловларни ғарбдаги шов-шувнинг бир қисми эканлигини қўшимча қилиб, келажакда АҚШ билан эҳтимолий алоқаларни истисно қилмаган.
Изоҳ (0)