ҲАМАС ҳарбий раҳбарларидан бири Ғози Ҳамад билдиришича, Исроил режими ўт очишни тўхтатиш ва асирларни алмашиш бўйича билвосита музокараларга жиддий ёндашмаяпти. Бу эса икки томон ўртасидаги келишувга эришиш имкониятини амалда чиппакка чиқармоқда. Бу ҳақда IRNA нашри хабар берди.
ҲАМАС ҳукумати ташқи ишлар вазири ўринбосари Ғози Ҳамаднинг айтишича, Исроил режими музокаралар давомида бажаришга имконсиз шартларни таклиф қилмоқда ва келишувга эришиш учун етарлича жиддийлик кўрсатмаяпти. Атайин таклиф этилаётган имконсиз шартлар эса можарони ҳали узоқ чўзиш мақсадида тузиб чиқилган.
Хабарда айтилишича, ҲАМАС гуруҳи музокараларни уруш тўхтатилиб, босқинчи кучлар ҳудуддан олиб чиқиб кетилгунга қадар давом эттирмоқчи. Ғазони қайта тиклаш ва қочқинларни қайтаришни таъминлайдиган келишувга эришилмас экан, муаммога ечим топилмайди.
ҲАМАС вакилига кўра, гуруҳ ҳозирда Ғазода қамалда қолганига қарамай, ўз мақсадларидан воз кечмайди. Гуруҳ ҳали ўз салоҳиятини йўқотмаган ва узоқ муддатли қарама-қаршиликка тайёр.
Изоҳ (0)