ЕЧЛ. “ПСЖ” ўзида “Реал Сосьедад”ни ишончи ҳисобда мағлуб этди, “Бавария” кутилмаганда “Лацио”га имкониятни бой берди

Футбол бўйича Европа Чемпионлар Лигасининг нимчорак финалидан ўрин олган икки ўйин 14 февраль, чоршанба куни бўлиб ўтди.

“ПСЖ” ўзида “Реал Сосьедад”ни қабул қилди. Учрашувнинг биринчи бўлимида дарвозалар ишғол этилмади. Иккинчи бўлимда эса парижликлар ҳисобни очди. 58-дақиқада Килиан Мбаппе ўз номини таблога ёздириб қўйди. 70-дақиқада эса Бредли Барколя парижликларнинг иккинчи голига муаллифлик қилди. Қолган дақиқаларда дарвозалар дахлсизлиги сақланиб қолди ва парижликлар биринчи ўйинда 2:0 ҳисобидаги ғалабага эришди.

“Бавария” эса “Лацио”га қарши баҳс олиб борди ва 0:1 ҳисобида имкониятни бой бериб қўйди. 67-дақиқада мюнхенликлар футболчиси Дайо Упамекано жарима майдончаси ичида рақиб футболчисига қўполлик ишлатгани учун қизил карточка олиб, майдонни тарк этди. Ҳакам эса Нойер дарвозаси томон пенальти белгилади. 69-дақиқада Чиро Иммобиле пенальтидан унумли фойдаланди ва жамоасининг кичик ғалабасига ҳисса қўшди.

ЕЧЛ

1/8 финал

14 февраль, чоршанба

“ПСЖ” – “Реал Сосьедад” 2:0

Голлар: 1:0 – 58 Мбаппе, 2:0 – 70 Барколя.

“ПСЖ”: Доннарумма, Ҳакими, Маркиньос, Данилу Перейра (Эрнандес, 72), Лукас Бералдо, Фабиан Руис, Витиня, Заир-Эмери, Дембеле (Коло-Муани, 83), Барколя (Асенсио, 72), Мбаппе.

“Реал Сосьедад”: Ремиро, Траоре, Ле Норман (Пачеко, 78), Субелдия, Галан, Мендес (Турриэнтес, 79), Мерино, Субименди, Кубо, Барренечеа (Захарян, 66), Андре Сильва (Садик, 79).

Огоҳлантириш: Ле Норман (36).

“Лацио” – “Бавария” 1:0

Гол: 1:0 – 69 Иммобиле (пенальти).

“Лацио”: Проведел, Марушич, Романьоли, Хила (Габаррон, 81), Ҳюсай (Лазари, 60), Луис Альберто (Камада, 81), Каталди, Гендузи, Фелипе Андерсон, Исаксен (Педро, 74), Иммобиле (Кастелянос, 74).

“Бавария”: Нойер, Мазрауи, Упамекано, Ким Мин Чже, Геррейру, Горетцка (де Лигт, 73), Киммих, Мюллер (Шупо-Мотинг, 81), Сане (Тел, 81), Мусиала, Кейн.

Огоҳлантириш: Киммих (68).

Четлатиш: Упамекано (67).