Испания прокуратураси “Реал” бош мураббийи Карло Анчелоттига қамоқ жазосини талаб қилмоқда.
Бу ҳақида Relevo нашри хабар бермоқда. Прокуратура италиялик мутахассисни 2014 йилдан 2015 йилгача солиқ идораларидан 1 миллион еврони яширгани учун 4 йил-у 9 ойга қамалишини талаб қиляпти.
Аввалроқ, испаниялик судья Мария Инмакулада Лова италиялик мураббий 2014 йилда имиж ҳуқуқларидан фойдаланилиши оқибатида даромад сифатида олган 386 361 еврони декларация қилмаган деган хулосага келганди.
Мураббий Испания солиқ идораси томонидан тузилган йирик қарздорлар рўйхатида эканлиги аниқланган.
Эслатиб ўтамиз, Анчелотти 2013 йилда “Реал”ни қабул қилиб олган ва 2015 йилнинг май ойида клубни тарк этганди.
Бу вақт давомида Карло “қаймоқранглилар” билан Испания Кубоги, Чемпионлар Лигаси, УЕФА Суперкубоги ва клублар ўртасидаги жаҳон чемпионлиги кубокларини қўлга киритган.
2021 йилнинг июнь ойида Анчелотти Мадрид клубига қайтган. Жорий мавсум “Реал” чемпионатда 66 очко билан етакчилик қилмоқда.
Изоҳ (0)