Олти ҳафталик ўт очишни тўхтатиш таклифи ҲАМАС раҳбариятига тўғри келмади. У Исроил қўшинларини Ғазодан олиб чиқиб кетишини талаб қилмоқда. Бу ҳақда Euronews хабар берди.
Ғазода гаровга олинганларни озод қилиш эвазига вақтинчалик ўт очишни тўхтатиш режаси гуруҳ раҳбариятига тўғри келмаган. ҲАМАС ўз баёнотида Исроилнинг доимий ўт очишни тўхтатиш, Ғазодан жангчиларни олиб чиқиб кетиш ҳамда кўчирилган аҳолини шимолдаги уйларига қайтариш талабларини бажаришдан бош тортганига ишора қилган. ҲАМАС воситачилар билан музокараларни давом эттиришини айтган.
Улар рамазон ойи бошланишидан олдин келишувга эришишга умид қилган эди.
5 ойлик уруш давомида анклавнинг кўп қисми харобага айланган. Гуманитар ёрдамни қуруқликдан етказиб бериш жанглар ва уларни ‘‘ЦАХАЛ’’ билан мувофиқлаштира олмагани сабабли қийинлашган. БМТга кўра, Ғазо аҳолисининг тўртдан бири очликдан азият чекмоқда.
Аввалроқ анклавнинг шимолий қисми аҳолисига ҳаводан гуманитар ёрдам берилган эди. Ёрдамда АҚШ, Иордания, Миср ва Франция самолётлари иштирок этган.
Изоҳ (0)