Хоразм вилояти Қўшкўприк туманидаги боғчада тарбиячи болаларга қўпол муносабатда бўлиб уларни видеога олди. Вилоят Мактабгача ва мактаб таълими бошқармаси ҳолатга изоҳ берди.
Хабар берилишича, ҳолат юзасидан Хоразм вилояти Мактабгача ва мактаб таълими бошқармаси ишчи гуруҳи томонидан ўрганилди ва қуйидагилар аниқланди. Видеолавҳада тарбияланувчиларга қўпол муносабатда бўлган тарбиячи Қўшкўпир туманидаги 30-сон давлат мактабгача таълим ташкилотида фаолият олиб бораётгани, воқеа жорий йил 4 март куни содир бўлгани ҳамда мазкур видеолавҳа тарбиячи томонидан ўзининг мобил телефони орқали тасвирга олингани ва ота-оналар гуруҳига ташлангани аниқланди.
Бошқарма ишчи гуруҳи томонидан бугун мазкур таълим ташкилоти ходимлари ўртасида юқоридаги ҳолат муҳокама қилиниб, бундай ҳолатларга йўл қўймаслик бўйича тушунтиришлар берилди. Тарбиячи қилган ишига пушаймон эканлигини билдириб, ота-оналардан узр сўрагани аниқланди.
Ишчи гуруҳ томонидан тарбияланувчиларнинг ота-оналари билан суҳбатлашилганда улар тарбиячига нисбатан даъвоси йўқлигини билдирди. Тарбиячи бугунги кунда ўз аризасига кўра ишдан бўшатилган.
Изоҳ (0)