Ижтимоий тармоқларда Жиззах вилояти Дўстлик туманида мактабгача таълим ташкилоти тарбияланувчиси вафот этгани ҳақида хабарлар тарқалди. Вилоят прокуратураси ҳолатга изоҳ берди.
Маълум бўлишича, 15 февраль куни Дўстлик туманидаги маҳаллаларнинг бирида жойлашган “Н.Ш.” оилавий нодавлат мактабгача таълим ташкилоти тарбияланувчиси назоратсиз қолиши оқибатида чиқиб кетиб, вафот этган.
Ҳолат юзасидан Дўстлик туман прокуратураси томонидан терговга қадар текшириш ишлари олиб борилмоқда.
Аввалроқ Хоразмдаги хусусий боғчада болаларга қўполлик қилган тарбиячи ишдан олингани тўғрисида хабар қилинганди. Шунингдек, Наманган вилояти Мактабгача ва мактаб таълими бошқармаси Чуст туманида боғча болаларини калтаклагани тасвирланган видеодаги тарбиячи юзасидан маълумот берилганди.
Изоҳ (0)