“Толибон” мудофаа вазири Муҳаммад Ёқуб Мужоҳид ва Қуролли кучлар бош штаби бошлиғи Қори Фасиҳуддин Фитрат Қатарда ўтказилган мудофаа саноати маҳсулотлари кўргазмасига ташриф буюрди. Бу ҳақда Tasnim News хабар берди.
Доҳада бўлиб ўтган Dimdex номли кўргазмада турли ширкатларнинг ҳарбий техника ва воситалари намойиш этилган. Унда бошқа мамлакатларнинг мудофаа вазирлари ва ҳарбий амалдорлари ҳам иштирок этган.
Муҳаммад Ёқуб ва Қори Муҳаммад 3 март куни расмий таклиф билан халқаро мудофаа саноати кўргазмасида иштирок этиш учун Доҳага жўнаб кетганди. “Толибон” ҳаракатининг юқори мартабали ҳарбий амалдорлари биринчи марта бундай ҳарбий кўргазмани кўриш учун расман таклиф қилинмоқда ва қатнашмоқда.
Изоҳ (0)