Афғонистоннинг Фарёб вилоятида кучли қор ёғиши ва совуқ оқибатида мингдан ортиқ қўй ва қорамол нобуд бўлди. Бу ҳақда Avapress хабар берди.
Йўқотишлар асосан вилоятнинг Қайсар, Қармқул, Паштун Кот ва Хожа Сабзпош туманларида содир бўлган. Фарёб расмийлари ҳолат юзасидан йиғилиш ўтказган. Унда қор ёғишидан жабр кўрганларга ёрдам бериш муҳокама қилинган. Айни пайтда Афғонистоннинг Бодғис вилоятида ҳам кучли қор ёғиши ва совуқ туфайли юзлаб қорамол нобуд бўлгани айтилмоқда.
Аввалроқ Қозоғистоннинг Оқмўла вилоятида 200 га яқин от очликдан нобуд бўлганди. Ҳайвонлар ёздан буён ҳолдан тойишни бошлаган. Иссиқлик туфайли яйловлардаги майсалар ёниб кетган. Аномал қиш эса озиқ-овқат танқислиги муаммосини оғирлаштирган. Ҳайвонларнинг қор остидан ўт олишга ҳоли бўлмаган ва улар даштда нобуд бўлган. Фермерлар фавқулодда ҳолат эълон қилишни сўрамоқда
Изоҳ (0)