Эрон ва Афғонистон чегарасида 1 тонна 230 килограмм наркотик моддалар топилди. Бу ҳақда Etilaatroz хабар берди.
Эрон Чегара қўмондонлигига кўра, ушбу наркотикларни олиб кетаётган юк автомобили Ипак кўпригидан ўтаётганда қўлга олинган. Автомобиль салонидан 1 тонна 230 килограмм гашиш гиёҳвандлик моддаси топилган ва контрабандачи ҳам ушланган. Эрон томони гиёҳванд моддаларни ташиган машина ва ҳибсга олинган шахснинг фуқаролиги ҳақида маълумот бермаган.
“Толибон” Афғонистонда ҳукмронлик қилган сўнгги икки йил ичида мамлакатда гиёҳванд моддалар савдоси, уларни етиштириш, ишлаб чиқариш сезиларли даражада камайди. Афғонистон расмийлари буни ўзининг ютуқларидан бири сифатида тилга олади. Эрон расмийлари “Толибон”нинг наркотик моддаларни камайтиргани ҳақидаги даъвосини қабул қилмаслиги ва Афғонистондаги гиёҳванд моддалар Эрон ва бутун дунё учун хавфли эканини таъкидламоқда.
Изоҳ (0)