5 март куни Россия ҳарбий-ҳаво кучлари Донецк шимолидаги Украина истеҳкомларига жиддий зарбалар берган. Бу ҳақда “ТАСС” нашри Россия ҳарбий идоралари тарқатган хабарларга таяниб, маълум қилди.
“Россия ҳарбий-ҳаво кучларининг ҳужумкор гуруҳи шимолий Донецк йўналишида истеҳкомлар ва душман ишчи кучларига зарба берди. Зарба мураккаб об-ҳаво шароитида имкон қадар яқин масофадан С-8 ҳаво ракеталари ёрдамида амалга оширилган”, — дейилади “ТАСС” хабарида.
Хабарда айтилишича, барча нишонлар муваффақиятли йўқ қилинган. Ҳудуддаги Украина ҳужум механизми тўлиқ ишдан чиққан. Уларда ўқ-дори етишмовчилиги билан боғлиқ муаммо кузатилмоқда.
Тасдиқланмаган хабарларга кўра, ҳужум оқибатида Украина кучлари эгаллаган бир қанча позицияларини тарк этган. Россия кучлари ҳудудда фаоллашган.
Изоҳ (0)