4 март куни АҚШ президенти Жо Байден Украинадаги вазият туфайли Россияга қарши жорий қилинган айрим санкцияларни бир йилга узайтирди. Бу ҳақда Оқ Уй тарқатган баёнотга асосланиб, “ТАСС” нашри хабар берди.
Гап Россияга нисбатан 2022 йил 21 февралда АҚШнинг амалдаги маъмурияти, 2018 йил 20 сентябрда Дональд Трампнинг аввалги ҳукумати ва 2014 йилнинг март ва декабрь ойларида АҚШнинг 44-президенти Барак Обама раҳбарияти томонидан Қримга аннексияси учун қўлланган чоралар ҳақида бормоқда. Янги тартибга кўра, бу барча санкциялар 2024 йил 6 мартдан кейин ҳам амал қилиши керак.
Оқ уй хабарига кўра, ҳозирда АҚШ миллий хавфсизлиги ва ташқи сиёсатига таҳдид жуда юқори. Бу борада ҳукумат етарли ҳозирликларни кўрмоқда. Чора-тадбирлар бир қисми ўлароқ, асосий хавф бўлган Россияга нисбатан санкциялар муддати бир йилга узайтирилган.
Маълумот ўрнида, Россияга нисбатан илк санкциялар 2014 йилнинг март ойида Украинадаги воқеалар ва Қримнинг Россия билан бирлашиши муносабати билан жорий қилинган. Ўшандан бери санкциялар бир неча бор кенгайтирилган ва янгиланган.
Изоҳ (0)