Тошкентда қарийб 200 тезликда автобусга урилиб вафот этган автомашина ҳайдовчиси, Хонқада ўқувчисини аёвсиз калтаклаган ўқитувчи, президентнинг Хоразмга ташрифи – “Дарё” нашри бугун, 29 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Сув хўжалиги вазирига янги ўринбосарлар тайинланди
Улардан бири Ички ишлар вазирлиги тизимида турли лавозимларида ишлаган.
Қорақалпоғистондаги 7 та заправкада сифатсиз бензин сотилгани аниқланди
Бунинг натижасида истеъмолчиларга жами 277 миллион сўм зарар етказилган.
Тошкентда “гармошка” автобус ва Tracker тўқнашди
Оқибатда юқори тезликда келиб урилган Tracker ҳайдовчиси тан жароҳати олиб, шифохонага олиб кетилган.
Бухоро давлат тиббиёт институтининг ҳиндистонлик талабаси вафот этди
Ҳолат юзасидан терговга қадар текшириш ҳаракатлари олиб борилмоқда.
Самарқандда Мактабгача ва мактаб таълими бўлими мудири 200 доллар пора билан ушланди
Мудира бу пул эвазига фуқарони боғчага ишга жойлаб қўймоқчи бўлганини айтган.
Лондондаги журналист Ибрат Сафо Тошкентдаги ИИБга “суҳбатга” чақирилди
Журналистнинг ёзишича, бу унинг Лондондаги 20 йиллик фаолияти давомида биринчи марта содир бўлмоқда.
Тошкент ҳавосининг ифлослиги бўйича дунёда яна 1-ўринга чиқди
Ҳаводаги PM2,5 дисперс зарраларининг концентрацияси ЖССТ тавсиясидан 34,2 баробарга ошиб кетган.
Шавкат Мирзиёев Амударё устидан қурилган янги кўприк очилиш маросимида иштирок этди (фото)
Кўприк икки тарафга қараб 24 жуфт поездни ўтказиш имкониятига эга бўлиб, бу орқали темирйўл масофаси 180 километрга, юк ташиш тезлиги эса 6 соатгача қисқаради.
“Келгуси 6 йилда 30 млрд долларлик ДХШ лойиҳалари амалга оширилади” — президент маслаҳатчиси Равшан Ғуломов
Ўзбекистон 2030 йилгача ўрта юқори даромадли мамлакатлар қаторига қўшилиши мумкинлиги айтилди.
Ўзбекистоннинг Латвия, Литва, Финляндия ва Эстониядаги элчиси ўз миссиясини якунлади
Қадамбай Султонов ўз дипломатик миссиясини якунлаб, Тошкентга қайтиб келди.
Тошкентда 5,6 тонна бензинни ноқонуний сотиш ҳолатлари аниқланди
Мазкур ҳолатлар юзасидан терговга қадар текширув ҳаракатлари олиб борилмоқда.
Жиззах вилояти ҳокимининг 7,5 йилга қамалган собиқ ўринбосари озодликка чиқарилдими? Олий суд аниқлик киритди
Шавкат Мирзиёев уни давлат сиёсатига хиёнат қилганликда айблаб, вилоят ҳокими ўринбосарининг бутун тўдасига қонуний жазо кўриш кераклигини таъкидлаганди.
Йўл-патрул хизмати ходимларининг тарбиясиз ҳаракатлари, суст ишлаётган профилактика инспекторлари — Сенат 2023 йилдаги ҳуқуқбузарликлар ҳақида
Мудофаа ва хавфсизлик масалалари қўмитаси мажлисида айтилишича, профилактика инспекторлари фаолиятининг сустлиги оқибатида олдини олиш имконияти мавжуд бўлган жиноятлар ҳанузгача жами жиноятларнинг салмоқли қисмини ташкил этмоқда.
Хоразмда ўқитувчи дарс вақтида ўқувчи қизни аёвсиз калтаклади (видео)
Ўқувчиларда тан жароҳатларини аниқлаш мақсадида судга оид тиббий экспертиза тайинланган.
Humo Air авиакомпанияси 10 мартдан рейсларни вақтинчалик тўхтатаётганини маълум қилди
2024 йил апрель ойида авиакомпания халқаро йўналишларни очади ва авиачипталар нархини минимал даражада ушлаб туради.
“Док-1 Макс” иши бўйича яна бир мансабдорга жиноят иши қўзғатилиши мумкин
Фармацевтика тармоғини ривожлантириш агентлиги директорининг ўринбосари, директори лавозимларида ишлаган Улуғбек Эгамов ҳамда бир неча шифокорларга нисбатан жиноят иши қўзғатиш ҳақида тергов органига хабарнома юборилган.
Бухоро ихтисослаштирилган санъат мактабидаги барча мусиқа асбоблари бошқа бинога кўчирилгани маълум қилинди
Тармоқларда уста-қурувчилар санъат мактабидаги мусиқа асбобининг устига чиқиб, турли хатти-ҳаракатларни содир этгани ҳақида хабарлар тарқалди.
Хоразмдаги “Хива кластер” беш йилда 105 млн долларлик лойиҳаларни амалга оширди
Шавкат Мирзиёев Хоразм вилоятига ташрифи доирасида кластернинг тўқимачилик корхонаси фаолияти билан танишди.
Шавкат Мирзиёев Хоразмда чет эллик инвесторлар ва маҳаллий тадбиркорлар билан суҳбатлашди
Умумий қиймати 660 млн доллардан зиёд 18 та лойиҳа ҳақида ахборот берилди.
Шавкат Мирзиёев Хивадаги “Истиқлол” маҳалласини бориб кўрди
Маҳалла фаоллари президентга одамларнинг турмуш тарзи, даромади, ёшларнинг муваффақияти ҳақида сўзлаб берди.
Франция компанияси Хоразмда аккумуляторлар ишлаб чиқаради, Бухорода гибрид турдаги электр станциясини қуради
Шавкат Мирзиёев Voltalia компанияси бош директори Себастен Клер билан учрашув ўтказди.
Изоҳ (0)