Бухорода 100 минг доллар олаётганда қўлга тушган адвокат, давлат раҳбари раислигида ўтказилган йиғилиш, пойтахтда 500 гектардан ортиқ ҳудуд реновацияга тушганини айтган ҳоким – “Дарё” нашри бугун, 28 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда фискал тартиб-қоидаларини бузганлик учун жарима миқдори камайтирилди
Солиқ кодекси 227-1-моддасига асосан қўлланилаётган жарималар юқорилиги тадбиркорлар эътирозларига сабаб бўлаётганди.
Бухорода адвокат 100 минг доллар олаётганида қўлга тушди (видео)
ДХХ, шунингдек, транспорт бошқармаси бош мутахассиси ва ҳокимлик ходимининг ноқонуний ҳаракатларига чек қўйди.
Ўзбекистонда ер участкасини ўзбошимчалик билан эгаллаб олганлар маъмурий жавобгарликдан озод этилиши мумкин
Бундай ерларга эгалик ҳуқуқини бериш тартибига оид қонун лойиҳаси Қонунчилик палатасида муҳокама қилинди.
“Тошкентда 500 гектардан ортиқ ҳудуд реновацияга тушган” — Шавкат Умурзоқов
“У ҳудудлардаги бино ва уйлар талабга жавоб бермайди” — деди пойтахт ҳокими.
Ўзбекистонда давлат томонидан таъминланадиган протез мосламалари ва реабилитация воситаларининг турлари кенгайтирилади
Муҳтож шахсларни протез мосламалари ва реабилитация воситалари билан ваучер асосида таъминлаш тартиби жорий этилади.
Ўзбекистонда кўчмас мулкни ижарага беришдан бюджетга солиқ тушумлари сезиларли ошди
Фуқароларнинг уй-жойларни талабаларга ижарага беришдан олган даромадлари солиқдан озод этилган.
Тошкентда реновация дастури лойиҳаси уй-жой мулкдорлари розилигига асосланиши шарт — “Миллий тикланиш”
Партия реновация дастурини тегишли қонун ишлаб чиқиб, қабул қилинганидан кейингина амалга оширишни таклиф қилди.
“Қарши минтақавий темир йўл узели”нинг қарийб 5,5 млрд сўм қарздорлиги эвазига Trailblazer ва MAN хатланди
Жараёнда корхона вакиллари давлат ижрочиларига нисбатан тўсқинлик қилишга уринган.
Тошкент вилоятида заправкадаги жанжалда вафот этгани айтилган йигит видеомурожаат билан чиқди (видео)
Юқори Чирчиқдаги газ қуйиш шохобчасида фуқаролар навбат талашгани ортидан катта жанжал содир бўлганди.
“Яшил энергетика ҳам чинакам умуммиллий ҳаракатга айланди” — Шавкат Мирзиёев
Президент қайта тикланувчи энергия манбаларини кўпайтириш бўйича 2024 йил учун устувор вазифаларга бағишланган йиғилиш ўтказмоқда.
Ўзбекистонда электр ишлаб чиқаришда “яшил энергия” улуши 15 фоизга етиши кутилмоқда
Мутасаддилар ўтган йилдан сабоқ чиқариб, бу йўналишда икки карра кўп ишлаши ва аниқ натижа кўрсатиши кераклиги таъкидланди.
Ўзбекистонда 2024 йили ишга туширилиши режалаштирилган 14 та станция қурилиши жадаллаштирилади
Тадбиркорларга қуёш энергияси қувватларини жорий этишда манфаатдорлигини ошириш учун қўшимча енгилликлар яратилиши белгиланди.
Президент 6 та туманда “агроволтаика” усулида пилот лойиҳаларни бошлаш бўйича топшириқ берди
Электр истеъмоли юқори бўлган қишлоқ ва сув хўжалиги, ичимлик суви таъминоти корхоналарида “яшил энергия” қувватларини кўпайтириш бўйича ишларни жадаллаштириш зарурлиги қайд этилди.
Президент жойларда қуёш панелларини ўрнатишда қўшиб ёзиш ҳолатларининг олдини олиш бўйича топшириқ берди
Келгуси куз-қиш мавсумига тайёргарликни ҳозирдан бошлаш юзасидан вазифалар белгилаб олинди.
Дин ишлари бўйича қўмитанинг Бекобод тумани мутахассисига нисбатан хизмат текшируви олиб борилмоқда
Икки нафар фуқаро навбатдан олдин ҳажга бориб келгани айтилган.
Ўзбекистонда 2023 йили содир этилган 9,8 мингта ЙТҲ оқибатида 2,2 минг киши вафот этган
Болалар билан боғлиқ 1 794 та ЙТҲ содир этилиб, уларда 1 568 нафар бола жароҳатланган ва 263 нафар бола ҳалок бўлган.
Изоҳ (0)