Тошкентда 29 февраль куни Кинг Лонг русумли автобус ва Tracker иштирокида ЙТҲ юз берди.
“Тошшаҳартрансхизмат” матбуот хизматининг маълум қилишича, 29 февраль куни соат 06:45 ларда 63-сонли йўналишдаги Кинг Лонг русумли автобус АШБ томон ҳаракатланаётган вақтда Мирзо Улуғбек тумани, Янги Ўзбекистон кўчаси чорраҳасидан қайрилиб олиш вақтида қарама-қарши йўналишдан Tracker келиб урилган.
Енгил автомобиль юқори — 197 километр/соат тезликда ҳаракатланаётган бўлган. У автобус ўрта шина қисмига келиб урилган.
Йўл-транспорт ҳодисаси вақтида автобус салонида йўловчилар бўлмаган. Tracker ҳайдовчиси тан жароҳати олган ва тез тиббий ёрдам кўрсатиш учун шифохонага олиб кетилган. Компания матбуот хизматининг “Газета.уз”га аниқлик киритишича, ҳайдовчи вафот этган.
Ҳозирда ушбу ЙТҲ Тошкент шаҳар ИИББ ЙҲХБ ходимлари томонидан расмийлаштирилиб, тергов-суриштирув ишлари олиб борилмоқда.
Пойтахтда сўнгги вақтларда автобуслар билан содир бўлаётган йўл-транспорт ҳодисалари кўпайди. 26 февраль куни шундай ЙТҲлар, техник носозликлар, туташ ҳолатлари сони ортгани сабаб 5 нафар масъул ходим ишдан олинганди.
Изоҳ (0)