Жанубий Корея Украинани қайта тиклашга ўз ҳиссасини қўшишда давом этиш ниятида. Бу ҳақда 21—22 февраль кунлари Рио-де-Жанейрода бўлиб ўтган G20 йиғилишида Жанубий Корея ташқи ишлар вазири Чо Таэ Ёль маълум қилди. Бу ҳақда ‘‘ТАСС’’ хабар берди.
Чо Таэ Ёль Украинадаги можарога тезроқ барҳам бериш, Ғазо секторида халқаро қонунларга риоя қилиш ва Қизил денгиздаги провокацияларни тўхтатиш зарурлигини айтган. Вазирга кўра, мамлакатда Украинада бирдамлик ва тинчлик ташаббуси эълон қилинган, унга асосан ҳукумат Украинани қайта тиклаш ва тинчликка қайтишига ҳаракат қилмоқда.
Вазир, шунингдек, G20 мамлакатлари иқлим ўзгариши, барқарор ривожланиш ва рақамли трансформациялар билан боғлиқ глобал муаммоларни ҳал қилишда ҳамкорликни кучайтириш учун геосиёсий қарама-қаршиликдан воз кечишни таъкидлаган.
Аввалроқ Корея Киевга гуманитар ва молиявий ёрдам кўрсатган ва қурол-яроғ бўлмаган ҳарбий буюмлар етказиб берган. Жанубий Корея президенти Юн Сек Ёль июль ойида Украинага ташрифи чоғида инсонпарварлик ёрдами, хавфсизликни қўллаб-қувватлаш ва мамлакатни қайта тиклашда ҳамкорликни ўз ичига олган Украина бирдамлик ва тинчлик ташаббусини эълон қилган эди.
Изоҳ (0)