Интуитиве Мачинес компанияси қурилмасининг қўниши ишга туширилгандан бир ҳафта ўтгач содир бўлди. Бу Аполлон дастури тугатилганидан кейин АҚШнинг Ойга илк қўнишидир. Бу ҳақда DW хабар берди.
Техаснинг Интуитиве Мачинес компанияси вакили Нова-C модули 22 февраль, пайшанба куни Ер сунъий йўлдоши юзасига етиб келиб, у ердан сигнал узатганини маълум қилган. Бу 50 йил олдинги Аполлон дастуридан кейин АҚШнинг Ойга биринчи қўниши. Шу пайтгача фақат АҚШ, СССР, Хитой, Ҳиндистон ва Япониянинг давлатга қарашли космик компаниялари Ойга муваффақиятли қўнган. Хусусий компаниялар ҳеч қачон бундай ташаббусни амалга ошира олмаган.
Одиссей номини олган Нова-C модули Ойда 14 кун ишлаши кутилмоқда. Қурилма Илон Маскнинг SpaceX Falcon-9 ракетаси ёрдамида Флорида штатидаги Жон Кеннеди космик марказидан учирилган. Парвоз дастлаб 14 февраль куни эрталаб режалаштирилган, бироқ техник носозлик туфайли у бир кунга қолдирилган эди.
Модулда фойдали юк сифатида олтита НАСА тадқиқот асбоблари мавжуд. Улар қўниш зонасидаги муҳитни ўрганиши керак бўлади. Бу НАСАнинг жорий йил бошидан бери Ойга қўнувчи модулни юборишга иккинчи уринишидир. Январь ойида Astrobotic Technology компаниясининг худди шундай миссияси муваффақиятсиз якунланган.
Изоҳ (0)