“Дангал” фильмида Амир Хоннинг фарзанди Бабита ролини ўйнаган Болливуд актрисаси Сухани Бхатнагар шанба куни эрталаб ҳаётдан кўз юмди. У эндигина 19 ёшни қарши олган эди.
Амир Хоннинг жамоаси Сухани Бҳатнагарнинг ўлими муносабати билан унинг оиласига чуқур таъзия билдирган. Ёш актриса Деҳли шаҳридаги касалхоналардан бирида вафот этган. У оёғи синганидан даво муолажаларини олаётган бўлган. Қайд этилишича, унга буюрилган дорилардан бири акс таъсир кўрсатиб, актрисанинг ўлимига сабаб бўлган.
Сухани Амир Хоннинг қизи образини гавдалантирганида 11 ёшда эди.
Сухани Instagram тармоғида ўз расмлари билан бўлишиб келарди. Бироқ унинг сўнгги пости 2021 йил ноябрда қўйилган. Сўнгги постида у бир нечта шахсий расмларини жойлаган ва тагига: “Ноябрь??” деб изоҳ қолдирган эди.
Изоҳ (0)