“Алексей Навалнийнинг жасади яна 14 кун ушлаб турилишини айтишди” — Кира Ярмиш

Навалнийнинг матбуот котиби сиёсатчининг жасади яна икки ҳафта давомида унинг яқинларига берилмаслигини айтди.

Терговчилар Алексей Навалнийнинг онаси ва адвокатларига экспертиза давом этар экан, жасад яна икки ҳафта ушлаб турилишини маълум қилган.

“Терговчилар Алексейнинг адвокатлари ва онасига жасадни топширмасликларини айтишган. Унга нисбатан яна 14 кун (!) қандайдир “кимёвий экспертиза” ўтказилади”, — деб ёзди Кира Ярмиш.

Аввалроқ Алексей Навалнийнинг жасади 17 февралга ўтар кечаси жазони ижро этиш колониясидан Салехард томонга олиб кетилган бўлиши мумкинлиги хабар қилинганди. Мутахассислар Навалнийнинг жасади оиласига топширилмаяптими, демак, бу ерда бир гап бор, деб фикр билдиришган.