Қорақалпоғистон Республикаси ва Қашқадарё вилоятида валюта қимматликларини ноқонуний муомалага киритилишининг олди олинди, деб хабар беради Бош прокуратура ҳузуридаги департамент.
Қайд этилишича, департаментнинг Яккабоғ туман бўлими томонидан ДХХ ва ИИБ ходимлари билан ҳамкорликда тезкор тадбир ўтказилган. Тадбир давомида валюта айирбошлаш билан шуғулланиб келган И.Ж. жами 3 950 долларни фуқаро Б.К.га 49,2 миллион сўмга сотган вақтида ашёвий далиллар билан ушланган.
Шу каби, департаментнинг Амударё туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Б.А. фуқаро Д.Р.дан жами 3,5 минг долларни 43,4 миллион сўмга сотиб олган вақтида ашёвий далиллар билан қўлга олинган.
Департаментнинг Қамаши туман бўлими томонидан ИИБ ходимлари билан ҳамкорликда ўтказилган тезкор тадбирда эса, валюта айирбошлаш билан шуғулланиб келган Т.М., Б.Д. жами 3 минг долларни фуқаро И.М.га 37,5 миллион сўмга сотган вақтларида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Андижон ва Қашқадарё вилоятларида валюта қимматликларини ноқонуний муомалага киритилишига чек қўйилгани тўғрисида хабар берилганди.
Изоҳ (0)