Хоразм, Самарқанд, Навоий ва Андижон вилоятларида валюта қимматликларини ноқонуний муомалага киритилишига чек қўйилди. Бу ҳақда Бош прокуратура ҳузуридаги департамент хабар берди.
Маълум қилинишича, департаментнинг Хоразм вилоят бошқармаси томонидан ИИБ ходимлари билан ҳамкорликда Урганч шаҳрида тезкор тадбир ўтказилган. Тадбирда валюта айирбошлаш билан шуғулланиб келган У.С. фуқаро М.Ш.дан жами 20 минг долларни 248 миллион сўмга сотиб олган вақтида ушланиб, унинг автотранспорт воситасидан 15 минг доллар ва 286,7 миллион сўм ашёвий далил сифатида олинган.
Шу каби, департаментнинг Нарпай туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Т.Х. жами 3,7 минг долларни фуқаро С.Д.га 46,1 миллион сўмга сотган вақтида ушланиб, унинг ёнидан 3,7 минг доллар ва 19,4 миллион сўм ашёвий далил сифатида олинган.
Департаментнинг Қизилтепа туман бўлими томонидан ўтказилган тезкор тадбирда валюта айирбошлаш билан шуғулланиб келган В.Қ. ва А.Х. жами 3,7 минг долларни фуқаро А.А.га 46,2 миллион сўмга сотган вақтида ашёвий далиллар билан ушланган.
Департаментнинг Андижон вилоят бошқармаси ва ИИБ ходимлари ҳамкорлигида ўтказилган тезкор тадбирда валюта айирбошлаш шуғулланиб келган М.Т. 3,5 минг долларни фуқаро М.М.га 43,5 миллион сўмга сотган вақтида ушланиб, жами 5,5 минг доллар ва 3,8 миллион сўм ашёвий далил сифатида олинган.
Департаментнинг Ғозғон шаҳар бўлими ва ИИБ ходимлари ҳамкорлигида ўтказилган тезкор тадбирда валюта айирбошлаш шуғулланиб келган Ф.Г. жами 3,2 минг долларни фуқаро А.А.га 39,8 миллион сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Андижон ва Қашқадарё вилоятларида валюта қимматликларини ноқонуний муомалага киритилишига чек қўйилгани тўғрисида хабар берилганди.
Изоҳ (0)