Қашқадарё ва Бухоро вилоятларида валюта қимматликларининг ноқонуний муомалага киритилишига чек қўйилди, деб хабар беради Бош прокуратура ҳузуридаги департамент.
Қайд этилишича, департаментнинг Муборак туман бўлими томонидан тезкор тадбир ўтказилган. Тадбирда валюта айирбошлаш билан шуғулланиб келган А.Р. фуқаролар Н.Х ва I.Ч.га 4 минг АҚШ долларини 49,2 миллион сўмга сотган вақтида ашёвий далиллар билан ушланган.
Департаментнинг Бухоро шаҳар бўлими томонидан ўтказилган тезкор тадбирда валюта айирбошлаш билан шуғулланиб келган Б.Р. фуқаро А.А.дан 4,2 минг долларни 51,4 миллион сўмга сотиб олган вақтида ашёвий далиллар билан қўлга олинган.
Шунингдек, департаментнинг Бухоро вилоят бошқармаси томонидан ИИБ ходимлари билан ҳамкорликда Олот туманида ўтказилган тезкор тадбирда валюта айирбошлаш билан шуғулланиб келган Ф.Б. 3,5 минг долларни фуқаро Д.Я.га 43 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (Валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)