Қашқадарё вилояти Қарши шаҳрида қум-шағал аралашмасини қазиб олганлар давлатга қарийб 970 миллион сўм зарар етказди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Унга кўра, ҳолат Бош прокуратура ҳузуридаги департаментнинг Қарши туман бўлими томонидан ИИБ ходимлари билан ҳамкорликда ўтказилган тезкор тадбирда аниқланган. Фуқаро И.З. ва бошқалар ноқонуний даромад орттириш мақсадида туман ҳудудидан оқиб ўтувчи Қашқадарё дарёси ўзанидан давлат захирасидаги муҳофаза қилинадиган ҳудуд ҳисобланган ер майдонидан Howo ва Shantui русумли техникалар ёрдамида 1,6 минг куб ҳажмдаги қум-шағал аралашмасини қазиб олиб, давлат ва жамият манфаатларига 969 млн сўм зарар етказган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)