Ғарбий Соҳилнинг Женин шаҳрида ўтказилган рейд чоғида ҲАМАС гуруҳининг юқори мартабали амалдори қўлга олинди. Бу ҳақда Bild хабар берди.
Исроил ҳарбийлари, полиция ва разведка хизматлари ҲАМАС ҳарбий инфратузилмаси етакчиларидан бири Умар Фаедни ҳибсга олган. Исроилга кўра, Фаед сўнгги пайтларда уларнинг аскарларига қарши бир қанча ҳужумларда иштирок этган ва янгиларини ҳам режалаштирган.
Фаедни ҳибсга олиш амалиёти чоғида, расмий манбаларга кўра, икки Исроил хавфсизлик кучлари енгил жароҳат олган. Исроил бош вазири Биньямин Нетаньяху разведка хизматларига ҲАМАС ҳаракати етакчиларини қаерда бўлишидан қатъи назар, қидириш ва ўлдиришни буюрган эди.
2023 йил Исроил мудофаа кучлари ҲАМАСнинг иқтисодиёт вазири Жавад Абу Шамални ўлдирганди. Марҳум ҲАМАСнинг молиявий ишларини бошқарган ҳамда “Ғазо сектори ичида ва ташқарисида терроризмни молиялаштириш учун пул ажратган”ликда айбланган. Бундан ташқари Исроил армиясининг Ғазо секторига берган зарбалари оқибатида ҲАМАСнинг яна бир юқори мартабали аъзоси Закария Абу Маамар ҳам ҳалок бўлган эди.
Изоҳ (0)