Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррель Исроилни Фаластиннинг ҲАМАС гуруҳини ташкил этишни молиялаштирганликда айблади.
Reuters хабарига кўра, у бу ҳақда Испаниянинг Вальядолид университетидаги чиқиши чоғида айтган. Дипломатнинг тушунтиришича, шу йўл билан Тель-Авив Фаластин миллий озодлик ҳаракати бошчилигида ўша пайтдаги Фаластин маъмуриятини заифлаштиришга уринган.
Боррелнинг сўзларига кўра, минтақадаги можарони тинч йўл билан ҳал қилишнинг ягона йўли алоҳида Фаластин давлатини яратишдир, бироқ “Исроил бошқа вариантни танлади”.
Биз фақат ташқаридан ўрнатилган икки давлат тузиш қарори тинчлик олиб келишига ишонамиз, гарчи Исроил бунга кўнмаётган бўлса ҳам, — деди у.
Маълумки, Исроил ҳукумати мухолифлари ва баъзи жаҳон ОАВ Тель-Авивни ҲАМАСни қўллаб-қувватлаётганликда айблаб келади. Айни пайтда Исроил Бош вазири Биньямин Нетаньяху бу айбловларни бир неча бор рад этган.
Изоҳ (0)