Венгрия президенти Каталин Новакнинг расмий истеъфоси 15 кун ичида қабул қилинади. Март ойида эса мамлакатда президентлик сайлови бўлиб ўтади. Бу ҳақда RMF хабар берди.
Парламент амалдаги президентнинг истеъфосини 15 кун ичида қабул қилади, шундан кейин 30 кун ичида янги давлат раҳбари сайланиши лозим. Президент Каталин Новак болаларга нисбатан жинсий зўравонликда айбланган шахсни афв этгани ортидан истеъфога чиқишини эълон қилди. У мухолифатнинг президентни парламент томонидан эмас, балки тўғридан тўғри сайлаш кераклиги ҳақидаги фикрини қўллаб-қувватлади.
Венгриялик юрист Мате Кочишнинг фикрича, мухолифат бу масалани кўтармаслиги лозим, чунки Новак ҳокимиятда бўлганида бундай ечимни амалга оширишдан манфаатдор бўлмаган бўлар эди. Венгрия собиқ адлия вазири Юдит Варга ҳам президентнинг истеъфосидан сўнг сиёсатдан кетишини эълон қилди. Варга депутатлик мандатидан воз кечишини ва Европа парламентига сайловларда Венгрия “Фидес” партияси рўйхатини бошқармаслигини айтган.
10 февраль куни Венгрия президенти Каталин Новак жамоатчиликнинг норозилигига сабаб бўлган қароридан сўнг истеъфога чиқишини эълон қилди. У 2023 йилнинг апрелида, Рим папаси Франсиск ташрифи арафасида йигирмага яқин кишини озод қилган. Улар орасида меҳрибонлик уйи директорининг ўринбосари ҳам бўлиб, у ташкилот раҳбарига вояга етмаган тарбияланувчиларга нисбатан жинсий тусдаги жиноятларини яширишга ёрдам берган.
Изоҳ (0)