КХДР етакчиси Ким Чен Ин Корея халқ армиясининг юқори қўмондонлик штаби билан учрашувда қуролли кучларнинг жанговар тайёргарлигини ҳар томонлама оширишга чақирди. Бу ҳақида Шимолий Корея матбуоти хабар берди.
Унда таъкидланишича, “Корея ярим оролидаги вазият кундан кунга қуролли можаро ёқасига яқинлашиб бормоқда”.
Ким Чен Ин “қуролли тўқнашув исталган вақтда содир бўлиши мумкинлиги”ни таъкидлади.
“Агар душман КХДРга қарши ҳарбий қарама-қаршилик ва провокацияни танласа, армиямиз заррача иккиланмасдан, барча восита ва имкониятларни сафарбар қилган ҳолда, уни бутунлай йўқ қилиш учун зарба бериши керак”, — дея таъкидлади Шимолий Корея етакчиси.
Изоҳ (0)