Жанубий Корея қўшинлари Сариқ денгиздаги оролларда ўтказилган машғулотлар давомида 400 га яқин снаряд учирди. Бу КХДР Жанубий Корея билан чегара яқинида учирган снарядлардан икки баробар кўп. Бу ҳақда The Chosun IIbo хабар берди.
Жанубий Корея томони шимолий чегара чизиғидан жанубдаги сувларда шартли нишонларга зарба берган. Бу ҳудудни Жанубий Корея де-факто денгиз чегараси ҳисоблайди. 5 январь куни эрталаб КХДР ҳарбийлари Жанубий Кореянинг Пеннёндо ва Ёнпхёндо ороллари яқинида 200 га яқин артиллерия ўқларини отган. Снарядлар Сариқ денгиздаги шимолий демаркация чизиғи яқинидаги буфер зонага — икки давлатнинг амалдаги денгиз чегарасига тушган.
Сеул маълумотларига кўра, отишмада ҳеч ким жабрланмаган, бироқ Сариқ денгиздаги орол аҳолисини эвакуация қилишга буйруқ берилган. Тегишли буйруқ Жанубий Корея ҳарбийлари у ерда машғулотларни бошлашдан олдин эълон қилинган.
КХДР расмийлари Жанубий Корея баёнотларига ҳозирча изоҳ бермаган.
- 2018 йил сентябрида Шимолий Корея ва Жанубий Корея икки давлат чегарасидаги қуролсизлантирилган ҳудуд яқинида кенг кўламли артиллерия ва дала ўқув машғулотларини тўхтатишга, шунингдек, унинг яқинида ҳарбий самолётлар парвозини чеклашга келишиб олганди. Мамлакатлар ўртасидаги келишув Сариқ денгизда ҳарбий-денгиз машқлари ўтказилмайдиган буфер зонани яратишни назарда тутган.
- 2023 йилнинг ноябрида Шимолий Корея Сеулни “провокацион манёврларда” айблаб, келишувни бекор қилди.
Изоҳ (0)