Қозоғистондаги Арктика антициклони ҳаво ҳароратини 32 даража совуққача тушириб юборади. Бу ҳақда “Казгидромет” хабар берди.
13—14 февраль кунлари Қозоғистоннинг аксарият ҳудудларида об-ҳаво кескин совиб кетиши кутилмоқда. Мутахассислар ёмғир ва қор шаклида ёғингарчилик бўлиши, шимолий ҳудудларда кучли қор ёғиши, ерлар музлашини прогноз қилган.
Шунингдек, Қозоғистон ғарбида ҳаво ҳарорати 5 даража совуқ ва 5 даража илиққача; шимолий, марказий шарқий вилоятларда 5 даража совуқ ва 2 даража илиққача кўтарилиши мумкин. Февраль ойининг ўрталарига келиб циклон Қозоғистон ҳудудини тарк этади, унинг ўрнини қорсиз Арктика антициклони эгаллайди, у республиканинг шимолий ярмига совуқни қайтаради.
Мамлакатнинг ғарбий, шимоли-ғарбий ва шимолида 15 февралга қадар ҳаво ҳарорати кечаси 22-32 даража, кундузи 15-27 даража совуққача пасайиши кутилмоқда. Республиканинг қолган ҳудудларида эса ҳарорат билан боғлиқ ўзгаришлар бўлмайди.
Изоҳ (0)