Германия канцлери Олаф Шольц европалик ҳамкорларни қурол ишлаб чиқаришни сезиларли даражада оширишга чақирди.
Бу ҳақда Шольц Унтерлус шаҳридаги янги Rheinmetall ўқ-дорилар заводининг очилиш маросимида айтиб ўтди.
Қурилиш ва ишга тушириш босқичидан сўнг завод йилига 200 мингта артиллерия ўқ-дориларини ишлаб чиқариши кутилмоқда.
“Европалик ҳамкорлар ўз буюртмаларини бирлаштириши ва мудофаа саноатини кейинги бир неча ўн йилликлар учун мўлжаллаб йўлга қўйиши керак. Биз кенг кўламли қурол ишлаб чиқаришга ўтишимиз керак”, — деди Шольц.
Унинг сўзларига кўра, бу ишни зудлик билан йўлга қўйиш зарур, чунки ҳозирда замон нотинч бўлиб турибди.
Изоҳ (0)