Филиппин жанубидаги Давао Голден ҳудудида содир бўлган кўчки қурбонлари сони 68 кишига етди, яна 51 киши бедарак йўқолган.
Маҳаллий ҳукумат қурбонларнинг жасадларини қидириш давом этишини маълум қилди. Кўчкидан деярли бир ҳафта ўтгани туфайли қутқарувчилар энди тирик одамларни топиш мумкинлигига ишонишмаяпти. Охирги тирик қолган инсон — уч ёшли қизалоқ 9 февраль куни вайроналар остидан олиб чиқилган. Бола тош ва тупроқ массаси остида тахминан 60 соат вақт ўтказган.
Тахминан 9 гектар майдонда қидирув ишларига юзлаб одамлар ва оғир техника жалб қилинган. Кўчкининг баландлиги 30 дан 50 м гача бўлиши мумкин.
Кўчки 6 февраль куни содир бўлиб, 50 дан ортиқ уй ва олтин қазиб олувчи маҳаллий компания ходимларини олиб кетаётган автобуслар устига ёпирилган.
Изоҳ (0)