Филиппинда бортида икки йўловчи бўлган енгил русумли Cessna самолёти радарлардан ғойиб бўлди. Бу ҳақда ABS-CBN News телеканали хабар бермоқда.
Филиппин фуқаро авиацияси маъмурияти маълумотларига кўра, самолёт Шимолий Илоcос провинциясидаги Лаоаг аэропортидан ҳавога кўтарилган. У билан алоқа 7,5 минг фут (2,2 км) баландликда узилган, бортдагилардан ҳеч бири ҳалокат сигналини бермаган.
Филиппиндаги кучли ёғингарчилик билан боғлиқ ноқулай об-ҳаво ғойиб бўлган самолётни вертолёт ёрдамида қидириш операциясига тўсқинлик қилмоқда. Самолётни қидириш эртага давом этади, деб хабар берилмоқда.
Изоҳ (0)