Filippin janubidagi Davao Golden hududida sodir bo‘lgan ko‘chki qurbonlari soni 68 kishiga yetdi, yana 51 kishi bedarak yo‘qolgan.
Mahalliy hukumat qurbonlarning jasadlarini qidirish davom etishini ma’lum qildi. Ko‘chkidan deyarli bir hafta o‘tgani tufayli qutqaruvchilar endi tirik odamlarni topish mumkinligiga ishonishmayapti. Oxirgi tirik qolgan inson — uch yoshli qizaloq 9-fevral kuni vayronalar ostidan olib chiqilgan. Bola tosh va tuproq massasi ostida taxminan 60 soat vaqt o‘tkazgan.
Taxminan 9 gektar maydonda qidiruv ishlariga yuzlab odamlar va og‘ir texnika jalb qilingan. Ko‘chkining balandligi 30 dan 50 m gacha bo‘lishi mumkin.
Ko‘chki 6-fevral kuni sodir bo‘lib, 50 dan ortiq uy va oltin qazib oluvchi mahalliy kompaniya xodimlarini olib ketayotgan avtobuslar ustiga yopirilgan.
Izoh (0)