2024 йилда бўлиб ўтган олтмиш олтинчи “Грэмми” мукофоти маросими юқори рейтинг эгаллаб, ўртача 16,9 миллион томошабинни ўзига жалб этди, деб ёзади “Корреспондент.net”.
Ушбу кўрсаткич ўтган йилги шоуга нисбатан 34 фоизга кўп бўлиб, 2023 йилги маросимни ўртача 12,4 миллиондан ортиқ одам томоша қилган эди. Таъкидлаш лозимки, “Грэмми” 2020 йилдан бери энг кўп томоша қилинган шоу бўлиб келмоқда.
Тадбирнинг энг қизиқарли қисми “Хотира сегменти” бўлиб, унда Стиви Уандер, Энни Леннокс, Жон Батист ва Фантазия Баррино яқинда вафот этган санъаткорлар хотирасига бағишлаб чиқиш қилди. Мазкур шоуни 18,3 миллион киши онлайн томоша қилган.
Маросимда томошабинларни ҳайрон қолдирган лаҳза қўшиқчи Селин Дионнинг “Йил альбоми” мукофотини топшириш учун чиқиши эди, чунки бир йил аввал унга жиддий неврологик ташхис қўйилган ва Селин санъатни бир муддат тарк этишга мажбур бўлган эди.
Изоҳ (0)