“U hayotni yaxshi ko‘rardi, o‘zbek san’ati yana bir qobiliyatli ijodkoridan ayrildi” — o‘zbekistonlik mashhurlar Jasur Shametovni xotirlamoqda (foto)

“Qalbim o‘g‘risi”, “Achchiq hayot”, “Qalbaki dunyo”, “Uchrashuv”, “Gunoh”, “Zarb”, “Oh, Salima, Salima”, “Mahallada nima gap?” kabi badiiy filmlarda postanovkachi operator sifatida ishlagan Jasur Shametov 39 yoshida vafot etdi. U faoliyati davomida ko‘plab xonandalar bilan hamkorlik qilgan va muxlislarga manzur bo‘lgan kliplarni suratga olgan. Rayhon, Shahzoda, Rashid Holiqov, Lola, Shohruhxon, Munisa Rizayeva, “Afruz” guruhi va boshqa xonandalarning tanilishida munosib hissa qo‘shgan ijodkorlardan biri desak, mubolag‘a bo‘lmaydi. Shu bois uning vafotidan shou-biznes vakillari chuqur qayg‘uga tushdi va ijtimoiy tarmoqlar Jasur Shametovning o‘limi bolan bog‘liq postlarga to‘lib toshdi.

O‘zbekiston Respublikasi Prezidenti administratsiyasi Axborot siyosati departamentining rahbari Komiljon Allamjonov marhum ijodkorni xotirlab sahifasida post qoldirdi.

Jurnalist Shohira Xamro Jasur Shametov bilan “Kann” festivaliga borgani va uning nafaqat ijodi, balki insoniy hislatlari ham maqtashga arzigulik bo‘lganini eslab o‘tdi.

Jurnalist Nasriddin Asriddinov esa marhum ijodkor bilan ikki hafta oldin televideniye yonida uchrashgani va ijodiy hamkorliklari haqida suhbatlashishganini yodga oldi. Ular bir necha yil “Milliy” telekanalida faoliyat yutitishgan.

Xonanda Rayhonning ijodida Jasur Shametovning o‘ziga xos o‘rni bor. Chunki u xonandaning “Ho‘p mayli”, “Yodingdami” va “Hech ayrilma” kabi omadli kliplarini suratga olgan.

Otabek Mahkamov Jasur Shametov bilan hamkorlik qilgani va uning mahoratli operator bo‘lganini eslab o‘tdi.

Halimaxon ham ta’ziya bildirib o‘tdi.

O‘zbek shou-biznesining eng ko‘zga ko‘ringan klipmeykerlaridan biri Habi Nabiyev ustozini xotirlab, bu xabarga ishongisi kelmayotgani, Jasur Shametov yashashni yaxshi ko‘radigan inson bo‘lganini esladi. Shu bilan birga, o‘zbek san’ati yana bir mahoratli ijodkordan ayrilganidan qayg‘uda ekanligini bildirdi.

Aktrisa Sitora Farmonova Jasur Shametov bilan hamisha rozi bo‘lib ishlagani, u bilan bog‘liq faqat yoqimli xotiralari borligini eslab, oila a’zolariga sabr tiladi.

Aktrisa Zarina Nizomiddinova esa bu xabarga ishongisi kelmayotgani haqida yozdi.

Xonanda Lola ham bu xabarga ishongisi kelmayotgani, iste’dodli ijodkorning hayotni juda erta tark etganidan qayg‘uda ekanligi haqida yozdi.

Aktor Akbarxo‘ja Rasulov Jasur Shametovning oila a’zolari va yaqinlariga hamdardlik tilab, ularga go‘zal sabr tilab qolishi haqida yozdi.

“Eldido” guruhi xonandasi Dilniyoz G‘afforov ham bu xabarga ishongisi kelmayotgani haqida yozdi.

Munisa Rizayevaning singlisi prodyuser Karima Rizayeva Jasur Shametov bilan ko‘p marta hamkorlik qilgani va Navro‘z bayramiga atab film suratga olishganini xotirladi.