Саудияликлар “Рома” жамоасини сотиб олишга тайёрланмоқда

Саудияликлар Римнинг “Рома” клубини сотиб олишга ҳозирлик кўрмоқда.

Аввалроқ Рим жамоаси Riyadh Season билан 2 йиллик ҳомийлик шартномаси имзолаган эди. 24 январь куни эса “Аш-Шабоб” билан ўртоқлик ўйинида иштирок этди (2:1).

Энди саудияликлар “Рома”ни клубга 800 миллион евро сармоя киритган ва ёзда уни Яқин Шарқ консорсиумига 1 миллиардга сотишдан бош тортган америкалик тадбиркор Ден Фридкиндан сотиб олмоқчи.

Хабарга кўра, томонлар ўртасидаги музокалар аллақачон бошланган, “Рома” юридик бўлими бошлиғи аллақачон Ар-Риёдга етиб борган.

“Рома”нинг эҳтимолий эгаларидан бири “Ньюкасл”га эгалик қилувчи Саудия Арабистони Суверен Жамғармаси (PIF) бўлиб, иккинчи эса римликлар билан ҳомийлик шартномасида иштирок этган Саудия Арабистонида кўнгилочар ўйинлар бош бошқармаси раиси Турки ал аш-Шайхдир.

Саудияликлар клубни 900 миллион евро харид қилмоқчи. Шунингдек, янги стадион ғояси маъқулланса, яна 300 миллион евро сармоя киритади.