Саудиянинг “Ал-Ҳилол” клуби Неймарни қайдномадан чиқариб юборди.
Бир қанча хориж манбаларида “Ал-Ҳилол” бразилиялик футболчи билан шартномани бекор қилгани ҳақида хабарлар тарқалди. Бироқ, журналист Фабрицио Романо ушбу вазиятга изоҳ берди:
“Саудия клуби Неймар билан шартномани бекор қилмади. Клуб атрофидагилар бу хабарни ёлғонлигини тасдиқлади. “Ал-Ҳилол” янги сотиб олинган Ренан Лодига жой бўшатиш мақсадида жароҳатланган Неймарни қайдномадан чиқариб турибди. Бу фақатгина легионерлар билан боғлиқ вазият туфайли. Бразилиялик футболчи жорий мавсум майдонга тушмайди. Жароҳатидан қутулганидан сўнг сафга қайтади”.
Эслатиб ўтамиз, Неймар октябрь ойида ЖЧ—2026 саралашидан ўрин олган Бразилия ва Уругвай ўртасидаги баҳсда тиззасидан жароҳат олиб, майдонни тарк этганди. Шифокорлар унинг камида сентябрь октябрь ойларида сафга қайтиши мумкинлигини тасдиқлаган.
Изоҳ (0)